湯洛雯、黃嘉樂等出席無綫新劇《OPM》開鏡拜神活動，兩人首次合作便飾演夫妻，早前靚湯已預告會有激烈親熱戲。靚湯解釋：「都係夫妻間正常嘅嘢，邊做邊傾偈囉，但如果跟晒劇本拍就出唔到街，依家係意識形態方面。其實我同嘉樂唔算好激，後來交代我哋離婚，我要去色誘黃子恆，所有嘢都採取主動。馬國明都覺得其實拍呢啲戲，男仔比較尷尬，因為好驚畀人話，我同嘉樂拍之前，佢都好禮貌咁問我，可唔可以錫你塊面一啖！」
—
黃嘉樂與靚湯男友馬國明情同兄弟，要與「阿嫂」拍親熱戲感尷尬，而且有壓力，大爆馬國明有傳短訊叫他加油！靚湯亦表示事前有和馬國明提及拍親熱戲，指對方不會因此來探班監場。黃嘉樂亦指女友不但沒有呷醋，還非常支持：「佢反而好開心，因為覺得可以製造話題，對我嘅事業有幫助。」
