隱形戰隊｜林子善講到兄弟情忍唔住爆喊 觀眾望佢奪最佳男配角獎@林子善DrLam 今天（2日）出席《隱形戰隊》宣傳活動時，一提到「兄弟情」忍不住爆喊，他接受《香港01》訪問時，當提到馬國明，又再度流下男兒淚：「頭先馬明搞到我喊晒，佢同我講，細佬呀，好感觸嘅眼神，OK啦，你終於大個啦，掂㗎喇咩咩咩…嘩，然之後（爆喊）sorry啊，爭少少忍到㗎喇，你硬係嗌馬明做乜鬼啫。」子善平復心情後續說：「因為二哥不嬲都好錫我，佢唔講，阿妹就比較直接講，我就話二哥唔好講啦，跟住佢就話得㗎啦，點知喺台上面，之後佢又講我真係忍唔住啦，其實我真係唔想喊㗎，喊係好辛苦會喘㗎，但係我同佢感情太好啦。」林子善今日喊咗好多次。（梁碧玲攝）另外，林子善在《隱形戰隊》表現甚佳，多場感情戲睇到觀眾眼濕濕，有網民認為今年「最佳男配角」非子善莫屬！對此，子善回應：「我知道遊戲規則，觀眾幾鍾意都好，都要比公司感覺到你係值得，就算唔比獎我，我都會咁努力去做好。」林子善表現出色，觀眾希望他能勇奪今屆「最佳男配角」。（梁碧玲攝）點撃睇下林子善爆喊：隐形战队林子善
隱形戰隊｜林子善講到兄弟情忍唔住爆喊 觀眾望佢奪最佳男配角獎
