ERROR的郭嘉駿近日與網民隔空開戰！日前有網民於討論區表示，今年初於193經營的網店訂購帽子，先後於2月及上月透過IG向網店及193查詢，但得不到回覆，最終選擇在網上公開事件。
193指貨品早在去年9月截單，不明事主為何仍於今年1月入數，加上對於於冪上「公審」他，因此他不客氣地回覆：「Account? 點知你依家用咩Account? 定係燒俾你? 快啦。PayMe？ FPS？」、「自己x 咗然後公審我？鍵盤戰士再話返我公審佢？咩世界？」
193之後再回應說：「我就戒咗睇連登好耐好耐，今次人哋send俾我，就破例入去睇第一頁。明明上年10月截咗單， 當時冇回覆過任何嘢 （因為當時處於荒廢狀態，根本唔會睇／覆DM）。網店亦冇send過google form俾佢去購買產品，然後唔知點解佢今年1月突然payme $319去網店。」
193續說：「基本上一直都維持99+ request dm嘅狀態，根本冇諗過會有人截單之後三個月突然入錢，直到呢位朋友仔send咗呢個post俾我睇。」
他又稱：「我唔知點解有人話呢條友有禮貌客氣地詢問？『x街x你』呢啲係乜嘢禮貌? 你自己冇理解清楚件事就鬧我，都唔緊要啦！你鬧埋我啲fans就一定唔得！你唔係話報夢咩?咁我話燒俾你有咩問題?係你冇禮貌在先，我唔覺得需要對你客氣！」
