馬國明被爆勁慳家　唔掉穿窿唐老鴨睡褲：媽咪買畀我

馬國明被爆勁慳家　唔掉穿窿唐老鴨睡褲：媽咪買畀我馬國明今日（25/4）現身將軍澳電視城出席《隱形戰隊》祝捷會。提到早前大爆他勁慳家，連唐老鴨睡褲穿晒窿都唔掉。馬國明笑言：「我到而家都未掉。其實講真嗰條睡褲係冇穿到窿，只係佢講得誇張咗啫，條褲都未爛嘅，而家依然仲係一條褲嚟嘅。（條睡褲着咗幾耐？）其實又唔係好耐喎，着咗兩年到啦，其實嗰啲係瞓覺褲嚟㗎，夜晚瞓覺先會着，變咗我唔着出去打波，所以都唔會話殘殘舊舊。（點解咁鍾意唐老鴨？）我由細到大都好鍾意唐老鴨。（咁屋企有幾多條？）係得嗰一條。我冇記錯係媽咪買畀我。（唔掉原因係媽咪買？）其實由細到大通常都係媽咪幫我買，變咗我用開咗見佢未爛咪唔抌住。」馬國明否認唐老鴨睡褲穿晒窿。（葉志明攝）馬國明今日出席《隱形戰隊》祝捷會。（葉志明攝）隐形战队kennethma马国明 PS:我覺得啲私人嘢吾應該攞出來講 吾好咁幼稚啦