劉穎鏇曬傷膊頭買個教訓 準備驚喜母親節禮物藝人劉穎鏇（Tiffany）今日（12日）為超市開幕擔任剪綵嘉賓，曬得一身健康膚色的Tiffany，表示近期正忙於拍攝無線劇《奪命提示》，卻不慎曬傷兩邊膊頭：「近排全部都係外景，嗰日拍槍戰好多嘢要顧，見冇乜太陽諗住唔使搽防曬，飲多啲水唔好中暑就得，結果返到屋企見到膊頭紅晒。」她笑言今次買個教訓，以後但凡踏出家門都一定會搽防曬。談到她近日成功登上無綫年報首頁獲公司力捧，她表示感到榮幸：「希望嚟緊可以多啲工作機會，無論綜藝同劇集都想試。」談到母親節將至，她指媽咪正身在美國，未能親身與她慶祝，但正籌備禮物希望給她一個驚喜，坦言人愈大愈珍惜相處機會：「冇見媽咪半年，遲啲拍完劇睇吓有冇時間飛過去探媽咪同婆婆。」喜歡入廚的她，雖未能親手炮製大餐孝敬媽咪，但表示會煮大餐與爸爸慶祝：「我鍾意煮西餐，因為簡單啲，放心食得落口嘅，哈哈！其實想學中餐，但中餐好考技巧。（學定嚟綁住未來另一半？）呢啲將來嘅事，依家孝敬父母先啦。」劉穎鏇曬傷咗膊頭。劉穎鏇準備咗驚喜母親節禮物畀媽咪。劉穎鏇
劉穎鏇曬傷膊頭買個教訓 準備驚喜母親節禮物
