戴耀明母親腰痛入院 中完流感再中新冠：使唔使接二連三黑成咁一向侍母至孝的戴耀明，曾表示為了照顧八十多歲媽媽，放棄北上搵真銀。母親節晚上他發文，卻非分享慶祝活動，而是透露戴媽媽入院，染流感再中新冠，相當黑仔。戴耀明與媽媽感情相當好。（IG：@dia_yiu_ming）戴耀明上載媽媽身處醫院病床的照片留言：「最難忘的母親節，佢黑仔到一個點。話說先排佢感染咗流感，咳咗一個星期咳到chok親條腰，所以腰痛，後來流感好返了，但腰痛很厲害，於是同佢入院諗住檢查下照下，醫生話應該都係扭親，都要等佢自己 做物理治療慢慢好，點知在醫院嗰幾日佢又感染咗新冠😵💫😮💨好彩只是輕症，但係我心諗使唔使接二連三黑成咁樣呀😭😖希望佢快啲好返💪 身體健康勝過一切，祝你們每一位媽媽都身體健康。」戴耀明媽媽病完又病相當黑仔。（IG：@dia_yiu_ming）戴耀明
戴耀明母親腰痛入院 中完流感再中新冠：使唔使接二連三黑成咁
