胡定欣本周四便步入 40歲，一眾粉絲已提早為她慶祝，舉行個人展覽，展出大量相片、剪報等。胡定欣近年事業上多作新嘗試，參演電影和舞台劇，去年更約滿離開工作了18年的無綫，加上準備「轉字頭」，踏入新階段，令她感慨良多，連番道謝感激：
—
「感激，感謝。一張張有你地陪伴住渡過，事業上大大小小重要時刻的相片，勾起一連串屬於我哋嘅回憶！感激一路以來嘅支持同陪伴，呢條路走到今日依然留喺我身邊！有你哋喺身邊，我並不孤獨！非常感謝你哋在今年生日，送咗呢一份咁大咁有心思咁有意義嘅禮物俾我！我應承你哋，我會更加努力做好我自己，工作上有更加好嘅角色好嘅作品俾你哋見到！創造更加多屬於我地嘅回憶！」
胡定欣其後再發文，開心表示展覽反應很好，再一次感謝粉絲支持：「多謝！非常多謝每一位今日親身到來支持，欣賞我Fan Club送俾我的第一個相展，聽說反應好好，當中亦有素未謀面的朋友，大家亦留咗段時間，睇得好開心，我一班Fans的付出好值得！再一次多謝你哋！」
