蕭正楠開演唱會 曹永廉度橋拍片被兜面拍雞蛋藝人蕭正楠（阿蕭）、曹永廉（阿廉）正開拍無綫新劇《神耆小子》，不過，原來阿蕭一早已開公司請假，於5月19日到廣州市行《2023蕭正楠延續記憶20周年紀念演唱會》，阿蕭開Show，好兄弟阿廉當然撐場做表演嘉賓。向來搞笑的他們日前拍了一條短片於影音平台，於茶檔一碗餐蛋麵兩份吃的他們邊吃邊傾，阿廉謂：「嚟緊嗰個演唱會係咪搞唔成呀?你話畀我聽呀！我度咗期㗎！唔係我退番出嚟！」阿蕭即謂：「黐線㗎！咩搞唔成呀！賣晒嘞啲飛！」之後阿廉就攞出一叠100蚊紙係咁數，阿蕭問佢點解帶咁多錢時，他抵死謂：「冇呀！諗住入定啲番茄、雞蛋喺演唱會門口賣畀你啲fans，咁佢哋一邊聽你唱歌，一邊掟番茄雞蛋，你話幾熱鬧吓呢！」隨即阿蕭就攞隻雞蛋拍落阿廉塊面度，阿廉幫兄弟演唱會做宣傳做到咁，又掟橋又硬食雞蛋，認真唔話得。曹永廉、蕭正楠向來都好好感情。阿廉仲度埋橋拍片幫阿蕭演唱會宣傳。佢兩個向來玩得，當然都係搞笑橋段。阿廉被阿蕭兜面拍雞蛋，認真唔話得。阿廉仲要貼埋錢?萧正楠曹永廉
蕭正楠開演唱會 曹永廉度橋拍片被兜面拍雞蛋
