林夏薇開心《法言人》結局好收視：希望原班上陣再開續集！藝人林夏薇、張頴康、蔣祖曼、黃嘉樂等，今日（17日）晚上在尖沙咀出席主演劇集《法言人》慰勞宴。男主角馬國明因要開工拍劇而未能出席，問到薇薇是否與馬國明請客？她說：「冇所謂，但唔知點安排，相信馬國明都唔介意，好開心結局有好收視，大家又鍾意我哋呢對CP，網民都話要再重溫。」林夏薇、張頴康、蔣祖曼、黃嘉樂等，出席劇集《法言人》慰勞宴。講到有網民嫌大結局，她與馬國明未夠甜蜜，她笑說：「劇情需要嘛，睇吓有冇續集囉，都希望原班上陣再開續集，因為好多朋友都覺得我哋幾個嘅『友情歲月』好溫馨。」林夏薇好開心結局有好收視！又表示希望原班上陣再開續集！酒量不俗的薇薇指因明天也要開工，所以不能喝太多，她說：「某啲酒可以，但係某啲酒會有酒精敏感，所以要開工嘅時候都唔敢飲太多，喺屋企就可能會飲多啲。」最近為《逆天奇案2》開工的她透露與陳展鵬、方力申有三角戲份，暫時還未拍攝到考驗她記性的專業詞彙對白。法言人林夏薇
林夏薇開心《法言人》結局好收視：希望原班上陣再開續集！
