《真係唔好笑》傳遭腰斬！麥美恩認收差麻麻要檢討藝人麥美恩與馮盈盈有份主持的節目《真係唔好笑》盛傳遭腰斬。二人今日（22日）受訪時有備而來，麥美恩說：「多謝大家關心，其實只係節目上嘅調動，依家播咗8集，其餘5集會延至暑假先播。（收視差？）未如理想，我哋會互相檢討，希望再有進步，始終都係第1次以呢種形式拍攝真人騷遊戲節目，希望公司繼續畀機會。」盈盈於節目內頻頻扮醜，可惜收視未能達標，問到她可有失望，她坦言：「唔會，因為大家喺拍攝過程中都好投入及享受，節目都只係想令觀眾開心。」麥美恩續言：「拍攝時都係抱住一個嘗試嘅心態，無冇包保話一定有好收視。」問到暑假兩人可有勇氣，如當年參選港姐時以泳裝示人，麥美恩笑答：「唔好嚇人喇，都要顧及觀眾感受，泳裝留畀余思霆啦，不過如果覺得冇問題，我都可以嘅。」二人又搞笑提議可以開辦《中年好身材》，令全場忍俊不禁。FYY同麥美恩對於記者提問有備而來！強調唔係腰斬。FYY話冇因此感到失望。麦美恩冯盈盈
《真係唔好笑》傳遭腰斬！麥美恩認收差麻麻要檢討
