姚子羚「葉問」上身一打九　變身性感女Missy勁養眼

姚子羚「葉問」上身一打九　變身性感女Missy勁養眼藝人姚子羚昨晚（22日）於無綫新劇《一舞傾城》不甘好姊妹陳星妤被莊鍶敏喪摑，即「葉問」上身替對方出頭，一班女仔即群起打交，既扯頭髮、互摑兼飛腳，當中子羚一個打九個，可謂有姿勢有實際。對於該場女仔交，子羚受訪時笑言十分難忘：「平時都係同男演員打多，今次難得同女演員打，仲要一個人打咁多個女仔，覺得都幾得意。（同女仔拍打戲有難度？）女仔打交通常都係扯頭髮、掌摑，好擔心啲位就得唔好，同埋無情力會整親大家，拍完之後見到佢哋啲手紅晒，我都好心痛。記得有個動作，我打完莊鍶敏再打莊思明，莊思明要成個人撞埋個櫃度，佢撞完跌落地下我都好緊張，即刻問佢有冇事，好彩最終順利完成。」姚子羚於《一舞傾城》「葉問」上身，替好姊妹陳星妤出頭。一班女仔即群起打交，既扯頭髮、互摑兼飛腳。子羚更一個打九個。可謂有姿勢有實際！而劇情另一焦點則是萬國城的初戀之夜，一班舞小姐齊齊着上校服化身學生妹，蔡潔與星妤以水手裝校服上陣，文凱玲則以運動裝登場，陳法蓉與子羚齊齊化身性感女Missy，戴上眼鏡及以低胸貼身裙上陣，養眼度非常。劇情另一焦點則是一班舞小姐齊齊着上校服化身學生妹。而子羚更化身性感女Missy，相當養眼。姚子羚