司儀變粉絲 黃庭鋒紅地氈遇碧咸全身抖震無綫藝人黃庭鋒自小喜歡足球，更曾於英國踢阿士東維拉青年軍，奪得「最佳價值球員」。日前，庭鋒與陳貝兒拍檔擔任活動司儀，更遇見偶像「萬人迷」碧咸，他接受東網訪問時謂：「我都係第一次見到碧喊，以前喺英國去球場同睇波都未試過咁近距離，喺活動紅地氈介紹佢出場時，佢係第一個行落車，佢行緊過嚟嗰一刻，我突然之間個腦好似空白咗咁，由細睇到佢大嘅一個偶像，冇諗過自己會咁緊張，個身直頭係震。」庭鋒笑言於紅地氈時自己由司儀變做粉絲，不斷跟他說自己是他的粉絲，他指當時碧咸即上前與他握手，「基本上個個都話佢係超nice，佢嘅團隊都話佢好好，叫我唔使擔心，但我當刻唔係擔心，我係好緊張呀！」活動結束後，大批人即湧到碧咸的休息室，當時庭鋒亦一樣，但就遭2名大隻外籍保鏢攔阻，庭鋒謂：「我當時同佢哋講，我係今日嘅司儀，好想同碧咸影張相，佢哋好好，話無問題，仲入房同經理人講，我就成功入到去房同佢影相，真係好好彩。」係開心嘅！黃庭鋒喺紅地氈見到碧咸時腦袋一片空白。今次到陳貝兒一齊做司儀。黃庭锋
司儀變粉絲 黃庭鋒紅地氈遇碧咸全身抖震
