【明報即時】馮盈盈自爆曾受情緒問題困擾 欠缺自信 辭演新劇辜負公司 馮盈盈早前接受TVB娛樂新聞台訪問時，透露曾受情緒問題困擾，一度辭演公司安排給她的劇集，最後靠重返校園拾回自信心。（TVB娛樂新聞台fb片段截圖 / 明報製圖）馮盈盈近年因被指犯下3宗罪而遭公司「雪藏」，正修讀香港大學碩士課程的她更被指是為將來轉行而鋪路。雖然盈盈多次否認，傳聞仍不絕於耳。盈盈近日接受TVB娛樂新聞台訪問時，親解出現被「雪藏」傳聞的因由。她說︰「之前一直有謠言話我被公司雪藏，其實外界一直誤解咗公司，公司有少少受冤枉。」盈盈透露她有段日子發生了一些事，當中包括其個人原因、家人的意見，加上自覺未準備好及欠缺自信，推辭了公司安排給她參演的劇集。她說︰「我當刻覺得唔夠準備、欠缺自信。公司安排畀我嘅一啲劇集拍攝工作，我冇能力拍到，浪費咗個機會之餘，又辜負咗公司對我嘅期望。嗰段時間，我比較情緒低落，做所有事都比較低調，但就令到外界誤以為公司減少咗我嘅工作量，令我更加愧對公司，真係好對唔住，要大家因為我嘅關係而被誤會。」盈盈坦言其情緒問題維持了幾個月，最後因決定重返校園才重拾自信，現在已開心番晒，能正常投入工作。（即時娛樂）冯盈盈
【明報即時】馮盈盈自爆曾受情緒問題困擾 欠缺自信 辭演新劇辜負公司
