亡父離世有所覺悟 莊思敏再次改名：想跟番屋企畀個名藝人莊思敏及莊思明下午出席劇集《一舞傾城》宣傳活動。對於自己於社交平台宣布將「鍶」字改回「思」字，莊思敏有感而發解釋：「『鍶』字用咗年幾，後嚟爸爸過世，我開始覺得跟番屋企畀個名好啲、統一啲，話晒我哋3姐妹都係用『思』字。（咁當初幫你改名個相士咪唔靈囉？）又唔可以咁講嘅。」對於男友楊明昨晚與蔡潔的床戲成網民熱話，莊思明表現相當大方：「呢方面嘅戲，佢（楊明）入行以嚟都算拍得少喇。（想佢拍多啲？）咁又唔可以濫拍，否則就變『香港第一個男優』喇。（你畀佢向呢方面發展？）梗係唔係啦，佢『休』咗我先去做男優囉，以佢性格都唔會。（咩性格？）細膽，好容易膽怯。（佢話唔使同你講拍嗰場床戲。）因為緊接住我要喺度拍第二場戲，所以佢拍嘅時候我都喺度，蔡潔仲好搞笑，同我講使唔使畀我睇番play back。」莊思敏（右一）依家用番屋企畀個名。三姊妹都係用個「思」字。莊思明笑言唔會畀男友楊明做「男優」。庄鍶敏庄思明
亡父離世有所覺悟 莊思敏再次改名：想跟番屋企畀個名
