《生化壽屍》黎耀祥賤嘴入血演繹 陳小春湯盈盈廁所激戰咀得肉緊1998年6月11日上畫的《生化壽屍》，由葉偉信執導，陳小春、湯盈盈、李璨琛、黎耀祥主演，不經不覺已經25年。正如「柴九哥」講人生有幾多個十年？祥哥黎耀祥自《巾幗梟雄》柴九一角登上視帝後，都升價十倍並一改戲路，不再演類似《生化壽屍》中懶撻撻無賴的爛牙駒角色。而這部仿傚外國B級喪屍電影的《生化壽屍》，當年都大收600萬，相當不俗。祥哥出場唱住黎明首《100樣可能》，呢首歌當年都係商場熱播作品。（《生化壽屍》影片截圖）80年代的香港電影，曾以《殭屍先生》成功開出一門經典戲種，橫掃全球。去到90年代，荷里活的喪屍片愈來愈盛行，間接影響了香港「殭屍」的變種，加上B級製作模式，跟當年大受翻版影響，拍攝資金愈來愈少的香港電影不謀而合。在這「天時地利」下，拍出好幾部這類港式喪屍電影，其中代表作就是這套《生化壽屍》。平時猛鬧老婆，一有危險就捉實個老婆，有咩危險都搵佢頂。（《生化壽屍》影片截圖）爛牙駒金句︰「冇嘢做就打蠟啦！」故事講述有富商引入喪屍病毒來港，打算用來殺敵，但意外被駱達華飲咗變成喪屍，更誤闖入某商場，令商場內所有人逐一受到感染，一時間變成「屍殺商場」。其中古惑仔無敵（陳小春 飾）和喪B（李璨琛 飾）在場內開老翻店，而黎耀祥飾演的爛牙駒，就在場內開電話舖收二手機，喪屍病毒一爆發，令大家展開一場困獸鬥。黎耀祥在戲中出場都相當搞笑，把口唱住黎明首《100樣可能》，但就只識一句︰「Say You, Say You, Love Me 」而且出場一幕已經巴巴閉閉，大聲夾無準，一味死充，最鍾意搵老婆（黎淑賢 飾）出氣，經常用一句︰「冇嘢做就打蠟啦！」叫老婆醒少少。不過去到結局一幕，見到老婆被喪屍圍，祥哥展現全片最Man一幕，衝出去犧牲自己勇救老婆，真係睇到眼濕濕。黎耀祥
《生化壽屍》黎耀祥賤嘴入血演繹 陳小春湯盈盈廁所激戰咀得肉緊
