【明報即時】無綫小花羅毓儀闖樂壇 為代言廣告創作洗腦快歌羅毓儀今年正式簽約成為「TMG （TVB Music Group）」旗下歌手。（大會提供）無綫小花羅毓儀（Yuki Law）最近進軍樂壇，早前慶祝完27歲生日的Yuki，網民讚她外表依然似中學生，身為「童顏擔當」的Yuki，近日拍攝全新廣告，她更首次創作廣告歌，大玩洗腦式可愛曲風。 Yuki形象斯文，並有8級電子結他水準，音樂造詣不容小覷，她說：「雖然我未入行之前，都已經夾Band，又試過作曲作詞，但係作廣告歌真係第一次。我覺得創作廣告歌最大難度，就係佢嘅旋律一定要好洗腦。今次呢首廣告歌，係想鼓勵大家多做運動、郁多啲、健康啲，所以個Melody以輕快同埋Catchy為主。』」Yuki今年正式簽約成為「TMG （TVB Music Group）」旗下歌手，她表示：「今次呢首新歌係一首好開心同輕鬆廣告歌，監製都有畀意見，話要投放多啲Energy，教我可以想像自己係唱緊動漫主題曲，帶出熱血活潑感覺。我入Studio經驗尚淺，開始錄音時有啲緊張，但當我識得放鬆時，就覺得真係Deliver首歌嘅Message畀大家。」（即時娛樂）羅毓儀
【明報即時】無綫小花羅毓儀闖樂壇 為代言廣告創作洗腦快歌
