陳家樂爆眼極速康復　陳曉華取笑「身子弱」

陳家樂爆眼極速康復　陳曉華取笑「身子弱」藝人陳家樂及陳曉華今午（19日）有份出席《2023 TVB年中節目巡禮》，宣傳主演新劇《異空感應》。早前因踢波搞到眼球出血受傷的家樂今日終可除下墨鏡，以「真面目」示人，談到極速康復，他冧爆表示：「多謝陳太（連詩雅）悉心照顧，尤其本周康復進度比預期快，但暫時依然未可做運動。（結婚上岸啦，唔使咁積極操fit。）我嘅市場唔係單靠佢（太太），因為食咗藥身形比較浮腫呀！」5月尾受傷至今，對拍攝工作或多或少都有影響：「動作補戲要延遲，希望嚟緊照X光確定冇晒事，可以正式復工同運動，依家連睇波都被禁止呀。」提到連詩雅於社交平台「晒餸」，家樂笑說：「嗰張相咁多餸，都係我兩個食，但我老婆只係啄吓佢就算，佢煮都係想我食得健康啲。」陳家樂眼傷康復，除墨鏡示人。陳家樂冧爆多謝太太連詩雅照顧。陳曉華則打趣《異》劇拍攝期間，已發現家樂「身子弱」，家樂即駁咀：「係因為同你拍檔捱壞咗囉！」《華姐》今年決定復辦，因停辦4年而未卸任的曉華，被封「最長壽華姐」，她打趣：「呢4年來，每年我都有寫卸任感言，今年終於有機會講嘞，當晚要將所有感言一口氣講晒佢。」陳曉華取笑陳家樂身子弱。陳曉華笑指終於可卸任華姐。陈家乐陈晓华