吳若希落閘唔生第3胎 自爆做避孕手術「封肚」無綫J2推出全新風水命理節目《數你條命》，其中1集以「數數子女命」為主題，邀來嘉賓梁諾妍（Inez）、吳若希（Jinny）及弟弟吳梓楓。席間談及添丁話題，Jinny被問到會否追第3胎時，她即斷言否定，且意有所指：「正常嚟講，呢5年都應該安全嘅，舊年有啲手術上面嘅嘢做咗。」吳若希與細佬吳梓楓、梁諾妍亮相風水命理節目。吳若希講明唔生第3胎。仲自爆做咗避孕手術。Inez則透露由於老公洪永城媽咪是孖胎，故很想知道自己將來會否有機會追孖B：「當初佗住囡囡Amber時，發現唔係孖嘅，已經投訴老公好渣嘞。」 算命師指她有打孖上數字磁場，故確實有機會佗孖胎，只是剛剛錯失了大好機會，最快要等到45歲，Inez即搞笑謂︰「我ok呀，唔知老公得唔得啫。」梁諾妍就想生孖胎。但數命師指佢要45歲先有機會。談到教育子女，兩位星級媽咪觀念很不同，Inez指自己太放縱自由，令老公變了「緊張大師」﹕「佢仲約我去咖啡店研究囡囡入學問題，感覺好似開會，佢仲問我有冇做Research，學校搵成點，同埋有冇問過啲朋友。」Jinny則自言與囝囝相處大感煩惱：「成日都有令人好意外嘅嘢，會令我不知所措，好似同佢溝通唔到咁。」吳若希自言同囝囝相處有煩惱。好似溝通唔到！吴若希
吳若希落閘唔生第3胎 自爆做避孕手術「封肚」
