龔嘉欣收舖榮升老闆娘 緋聞男友有俾意見

龔嘉欣收舖榮升老闆娘 緋聞男友有俾意見龔嘉欣下個月投資的餐廳開張，今朝去收舖，攞住鎖匙開始感到好大壓力！龔嘉欣及劉穎鏇等人出席今日劇集《靈戲逼人》 活動，眾人分組進行粵曲唱腔比賽。榮升老闆娘的龔嘉欣表示今早收舖，加上今晚劇集首播，開始感到壓力，「因為張振朗去咗歐洲拍旅遊節目，所以今次重任就交俾我哋，不過呢幾日好多朋友都私訊我，話好期待呢套劇，連樓下看更都話今晚見。加上下個月我投資的餐廳開張，今朝去收舖，攞住鎖匙開始感到好大壓力，會緊張。」龔嘉欣今個年尾就踏入34歲，她好想40歲前在事業上衝一衝，再博一博，問她緋聞男友(日本甜品師傅)可有俾意見？「佢都會俾意見，反而陳豪俾好咗多做生意的意見，佢都好歡迎我煩佢。」講完緋聞男友俾意見，但她卻說感情事仍在尋覓！「人生大事無辦法諗，時間唔夠分，大家都話組織家庭要趁早，但我昨日去Grace（陳凱琳）屋企湊小朋友，覺得好大責任，好恐怖，所以要等自己準備好，又要揾另一半，對方都準備好先可以，不過我真係好鍾意小朋友。」劇中劉穎鏇首次化大戲妝，大呼過癮，「完成認唔到自己，覺得好神奇，原來好多步驟，每次都要化兩小時才完成，除了化妝，重要黐頭套，我俾相屋企人睇，父母見到都忍唔住笑。」龚嘉欣