傳不續約後勁多Job 黃智雯仲傾緊合約問題藝人黃智雯與江嘉敏今日（9日）現身無綫全新綜藝劇集《香港重案》開鏡拜神，智雯稱今次節目十分特別，只集中案件，沒有感情線及支線，會將10單本港奇案原汁原味拍出來：「啲案件好轟動，我都有聽過，部分係近年發生，有啲仲打緊官司，案件都比較血腥，我聽到都好驚同心寒，睇過預告片還原度好高，都有啲擔心尺度問題。」至於嘉敏笑言角色介紹她是衝動派以及賣樣，她自嘲：「我冇諗過我係Sell個樣，但都開心。（為角色而減肥？）減肥係終身事業。（已有成效？）我實話有，我有努力過，但有進步空間，因為唔止係追求瘦，仲係要健康。」智雯揚言會鞭策對方。黃智雯擔心新劇尺度問題。江嘉敏積極瘦身。提到智雯似乎傳不續約後，工作反而愈多，她否認：「唔係，呢啲係之前安排好嘅工作，我做完舞台劇同宣傳完《隱門》，依家要重新投入工作。（續約傾成點？）一直有傾緊，因為都係比較重要嘅事。」至於嘉敏將參加慈善馬拉松跑山，她指正積極準備中：「我一直有跑步練氣，因為我向來比較少運動，有同隊友夾時間跑山，我隔日就跑每日跑個幾鐘，但我怕曬，所以多數夜晚先跑。」智雯傳不續約後，工作量日增。佢都話仲傾緊。黄智雯
傳不續約後勁多Job 黃智雯仲傾緊合約問題
