黃翠如放閃光彈　自爆因老公蕭正楠提早回港：佢掛住我

黃翠如放閃光彈　自爆因老公蕭正楠提早回港：佢掛住我@黃翠如fishwong 今天（13日）出席女裝品牌開幕禮活動，先前忙於拍旅遊節目的她，終於有時間留港工作，甚至可以同老公蕭正楠見面！她接受《香港01》訪問，自爆提早回港原因是想見老公：「今次馬來西亞一做完嘢我都返嚟，我嗰邊有好多好朋友，照計我會留低，但係我唔想佢自己一個人，因為佢排劇照顧自己係會求其咗，我幫唔到手煮飯畀佢食，但精神上陪佢，盡可能我都想陪佢（係咪今次都飛得太耐真係好掛住佢？）佢掛住我多啲，當然啦，始終佢係我嘅最好嘅buddy，除咗我哋係夫妻之外。」她接受《香港01》訪問，自爆提早回港原因是想見老公。另外，翠如也推出她最新寫作的書籍《在地上遇見天使》，她坦言父親比她還激動：「對於我爸爸來講拍旅遊節目，拍劇嗰啲唔重要，出書就緊要，因為我爸爸媽媽並唔係讀好多書，所以佢哋一生人覺得五個女只要讀到書，就覺得完成任務，出到書對佢哋嚟講係一個感動。」翠如也推出她最新寫作的書籍《在地上遇見天使》#黃翠如#