孖郭藹明冧豬遊日 劉青雲錫老婆唔畀拎重嘢圈中出名係「愛妻號」嘅影帝劉青雲，近日被網友偶遇佢同太太郭藹明現身日本街頭，二人當時身處東京原宿馬路街頭，只見戴口罩、着長袖襯短褲嘅劉青雲，一手拎住多袋戰利品，雖然戴埋漁夫帽低調濕平，不過都依然被網友認出。身旁嘅郭藹明全程低頭撳電話，網友即爆料稱二人係等緊call的士：「可惜我在對面車道開車，只能眼巴巴的看着。看着劉青雲和他老婆打出租車，恨不得我的車就是出租車的。」佢仲透露曾叫二人搭自己順風車，不過劉青雲就對佢招手，加上該網友架車當時唔可以掉頭，所以都幫唔到手。網民繼而大讚郭藹明又白又瘦有氣質，劉青雲負責拎重嘢，更係貼心好老公代表人物。劉青雲同郭藹明一直係圈中模範夫婦。今次孖到實去日本，仲要街頭Call的士夠貼地。網友都大讚劉青雲係好老公！刘青云郭蔼明
孖郭藹明冧豬遊日 劉青雲錫老婆唔畀拎重嘢
