披荊斬棘︱疑錄2集被Foul 鄭嘉穎眼濕濕多謝粉絲現年52歲嘅視帝鄭嘉穎，同31歲老婆陳凱琳（Grace）婚後生活甜蜜恩愛，一家五口生活更喺幸福美滿。而向來將家庭擺第一順位嘅鄭嘉穎，自2022年拍完2套電影後更一直休息，專心享受家庭樂，偶然先更新社交網同粉絲互動外，更疑似轉戰KOL界，同老婆Grace一齊做夫妻檔吸金。不過休息大半年嘅鄭嘉穎，日前就被爆出演新一季真人騷《披荊斬棘》，以重量級「哥哥」身份強勢回歸歌唱舞台外，近日竟被傳出節目啱啱開拍半個月，鄭嘉穎已經喺第2集疑似被淘汰。2018年同老婆結婚至今，恩愛如初。尋日（19日）有鄭嘉穎粉絲喺社交網晒出一段鄭嘉穎「真情剖白」嘅片段，只見鄭嘉穎疑似眼濕濕多謝粉絲一路以嚟嘅支持外，更向粉絲親自解釋呢幾年減產原因：「現在是家庭的階段，對我來說比較重要，所以之後作品可能不會太多。」不過亦正因為呢句「之後作品可能不會太多」，再加埋之前鄭嘉穎入院嘅消息，令唔少粉絲紛紛猜測鄭嘉穎可能已被淘汰外，更有粉絲不捨偶像繼續專注做「湊仔公」。不時喺社交網同老婆合體拍片。月初被傳出醫院求診。郑嘉颖
披荊斬棘︱疑錄2集被Foul 鄭嘉穎眼濕濕多謝粉絲
