吳嘉儀過大禮成枱金器 婚嫁五款金阿嫲最開心藝人吳嘉儀（阿七）同圈外男友Leo定於8月拉埋天窗，今日（24日）二人已完成過大禮，取意頭希望之後2+2可以生番一對小豬仔。為氹90歲嫲嫲，二人跟足傳統做中式過大禮，金器方面想有排場，二人搵嚟金飾負責人教揀過大禮婚嫁五款金，新郎三款金，影相時更特地擺到成枱金器，望結婚當日出門可以「由頭金到去心口」。婚嫁五款金包括足金頭飾（后冠+髮簪）、足金頸鏈（B2B豬牌+大花鏈）、足金龍鳳鈪、足金耳環、足金戒指；新郎就有足金豬頸鏈、足金男裝頸鏈及戒指。阿七表示家人對過大禮最滿意：「屋企人非常滿意呀，仲話張枱太細差啲唔夠擺，早知買張長枱🤣嫲嫲最開心，笑到『kaka』聲，差啲假牙都跌出嚟。希望呢份順利同開心可以延續到婚禮，最緊要開心嘛。」吳嘉儀下個月嫁人。勁多金器。一睇就知使咗唔少錢！吴嘉仪
吳嘉儀過大禮成枱金器 婚嫁五款金阿嫲最開心
