李玟CoCo喪禮丨告別式將有9位好友致悼詞 李思林為妹妹撐下去：我唔想再喊華人天后李玟的喪禮今日於香港殯儀館舉行，六時設公祭儀式，供來自世界各地的歌迷來送李玟最後一程。連日來李玟的家人為其喪禮打點，告別儀式亦會於下午4時在網上直播。 二家姐李思林昨日接受《東張》的訪問， 她坦言：「妹妹喺度嘅時候，係一個快樂嘅小天使，佢走嘅時候，都希望佢做一個快樂嘅小天使。」【點擊睇李思林訪問】：李玟的告別式今日在香港殯儀館舉行。李玟胞姊早前為李玟刊登訃聞，公佈喪禮各項安排。李玟媽媽不會出席女兒的喪禮。丈夫Bruce會否現身李玟的喪禮，至今仍是個謎。昨日已有粉絲提向李玟送上花牌。李玟於本月5日離世，終年48歲，對於妹妹突然離世，二家姐李思林當然難以釋懷，在訪問期間多次落淚，她說：「我覺得妹妹已經走咗，好難評點解要咁，又或者點解而家要發生，反而我希望自己能做到，我知道係好困難，因為每一日起身，我都同媽咪講，點解我哋要繼續？我哋都諗到，唔知以後嘅日子要點樣過，以前有一個推動力，作為妹妹嘅一個好榜樣，其實做家姐嘅當然希望係妹妹嘅好榜樣，我冇辦法做到，而家都唔知做邊個嘅好榜樣，所以都諗緊以後嘅日子係點樣過。」李思林更自責地說：「我冇法子改變佢對某啲嘢嘅唔開心，我自己都係過來人，我好記得曾經做過一個訪問，我都好清晰地講希望自己係粒小種子，希望有人畀機會我去發芽，呢粒係乜嘢種子呢？人生經過好多谷底，我冇諗過嗰個谷底都未係最低，我而家先係最低。我而家都要諗吓末來呢粒已經播咗種嘅種子，能唔能夠發芽，我希望自己可以正面幫到好似我妹妹嘅人，喺好唔開心嘅情緒中出嚟。我都唔知自己做唔做到。」主持人問到李玟身後事進展如何，李思林感謝有專業人士朋友協助：「我唔想再喊，我知個妹唔想我不停咁，呢個係負能量，佢對住人永遠都係正能量，我都要學吓佢。過程係好困難，好似有粉絲掟啲片畀我睇，我又喊一次；公司畀啲片我睇，又喊一次；聽佢啲歌嘅剪輯，又喊一次，好朋友講佢嘅剪輯，又喊一次，有9個人嘅講稿，我又喊一次，我可能每日都喊10幾次，我唔知幾時先會唔喊，對我嚟講呢個唔係一個項目，好難將佢變做一個項目嘅心情去處理，唯有盡量去克服。」李思林還坦言每晚都睡很少，不停想起跟妹妹的點點滴滴：「佢走之前嗰幾晚，我哋成日都一齊，佢張床令我記起妹妹同我講過啲乜嘢，我覺得自己冇好好處理佢啲衫呀，因為佢同我鍾意啲乜嘢裙呀，不過唔緊要，呢啲都係物件，可以買過啲新。」問到媽咪目前情況？李思林說：「麻麻哋喇，始終佢都80幾歲，呢幾日佢生日都話以後唔再慶祝，我明白佢嘅心情，對佢嚟講，個心好似畀人挖咗個窿，一個老人家，好難係『白頭人送黑頭人』。」最後李思林說：「妹妹喺度嘅時候，係一個快樂嘅小天使，佢走嘅時候，都希望佢做一個快樂嘅小天使。壓力好大，自己都可能要睇睇心理輔導師，盡力喇，我妹妹繼續係我嘅推動力，由細到大，佢都係我嘅推動力，我哋嘅童年係好困難，而家好唔困難，但係佢已經喺度，我唔識點講，只能夠努力繼續做好，希望自己能夠接受到呢個挑戰。」
李玟CoCo喪禮丨告別式將有9位好友致悼詞 李思林為妹妹撐下去：我唔想再喊
