黃庭鋒阿爸百答百中　獲封節目MVP搶晒Fo

黃庭鋒阿爸百答百中　獲封節目MVP搶晒Fo藝人黃庭鋒孖住爸爸、馮盈盈、林鈺洧等現身無綫節目《咁你都唔識》，庭鋒笑指帶爸爸上節目齊齊玩全因「唔忿氣」：「佢好鍾意睇我Game Show，次次都話我渣，我就回佢：『咁勁你玩吖』。」黃爸爸聞言即笑說：「我係庭鋒Fans，叫到一定支持。」之後黃爸爸在整個節目中愈戰愈勇，於搶答環節更是百答百中，因而獲封節目MVP，反之多次答錯問題的庭鋒，則被冠以「敗家仔」惡名，幸最終於爸爸助攻下，以大比數拋離其餘兩隊勝出。黃庭鋒與爸爸亮相節目。二人互動相當搞笑。黃庭鋒風頭被搶。而盈盈則大派表情包賣萌，曾於大學主修食品管理學的她，卻被製作組的問題考起，被問到：「邊種點心卡路里最高？」，可供選擇答案有「一籠四粒蝦餃」、「一籠馬拉糕」、「一籠四粒燒賣」、「一籠三個奶黃包」、「一隻珍珠雞」及「一籠三個叉燒包」，惟盈盈卻老貓燒鬚答錯「珍珠雞」，事後解釋全因搞錯「珍珠雞」及「糯米雞」才如此失策。馮盈盈表現出色。林鈺洧（右）表現亮眼。黃庭锋