黃宗澤落廚教整鹹魚蒸肉餅 粉絲冧到暈：畀我食型男黃宗澤（Bosco）唱得又演得，演藝事業發展得如日中天外，就連雙線發展搞飲食都無難度，喺網絡更喺好評不斷，引嚟唔少食客粉絲熱情捧場。而尋日（7日）Bosco更喺社交網晒出段「型男主廚」嘅影片，分享自己親自下廚整鹹魚蒸肉餅嘅過程，有板有眼嘅手勢同埋專注嘅表情，真係冧暈一班粉絲呀！唱得又演得，仲有咩係唔識？波記廚房，食咗先講！影片中Bosco雖然居家Look上鏡，頭髮簡單夾起All Back、着上樸素嘅深藍Tee同印有「廚神」二字嘅圍裙，全程都好專注喺碟菜上面，有板有眼嘅專業手勢引嚟唔少網友激讚專業：「認真下廚的男人讓人看得安心。」、「認真的男人特別有魅力。」另外，向來喺圈中筍盤嘅Bosco，更引嚟粉絲留言道：「好唔好食就唔知，除非你畀我食。」不過到底係想試食鹹魚蒸肉餅定係Bosco就真係見仁見智喇。望落好吸引！認真的男人最有魅力。件圍裙又幾襯啵。黄宗泽
黃宗澤落廚教整鹹魚蒸肉餅 粉絲冧到暈：畀我食
