神隱4個月︱欣宜出走尋生命意義　海灘繼續Chill

神隱4個月︱欣宜出走尋生命意義　海灘繼續Chill歌手鄭欣宜至今神隱4個月，雖然佢曾「現身」外籍髮型師好友Benjamin社交平台，大晒欣宜自彈自唱嘅片段，只見佢背影比以往單薄，消瘦唔少，健康及心理狀況均令人憂心。多時未見人嘅佢，原來已經逐漸出走，去到香港唔同地方尋找生命意義，感受與人之間嘅生活味道，今個星期就已經有多人偶遇到欣宜！有唔同網友均上載合照，指自己喺香港多處撞到佢，當中就見到佢回歸Chill人生活，去到海灘同陽光玩遊戲，前日（8日）亦有網友遇見佢現身西環一間點心店歎美食等，張張合照佢都笑容滿面，精神十足，令粉絲都即時安心晒，知道偶像即將離開潛水日子，渴望欣宜可以返回歌壇見大家。對於欣宜近況，經理人林珊珊回覆東網：「She is fine！安好。我們團隊和她一起預備中，謝謝大家關心！」上周已有網友喺海灘遇到欣宜。前日就畀人撞到去食點心。好好笑容，又扮靚靚，精神大好！郑欣宜