星光熠熠預祝生日 譚嘉儀自爆冇追求者本月13日是歌手譚嘉儀的生日，日前好友為她搞生日派對提前慶祝，除了無綫高層樂易玲和兒子，還有港姐林鈺洧、張頴康、麥雅緻夫婦、何依婷、陳楨怡，王菲和緋聞男友張子丰等，她和藝人林正峰的生日相差一星期左右，所以當晚大伙兒也有幫林正峰補祝。嘉儀說：「圈中好多好朋友都有畀面出席，係好開心，樂小姐都大駕光臨，多謝佢，我仲同樂小姐合唱添。（樂小姐歌喉點？）好surprising，佢唱歌真係OK㗎，佢把聲好夠響，佢都好鍾意唱歌，平時佢好少開金口，有幸同佢合唱，我都覺得光榮。」當晚可有追求者向她表白？她笑說：「冇追求者，出席生日派對嘅人，全部都係好朋友。」正日生日她會跟家人共度，但仲未諗到食乜慶祝，談到生日願意？她說：「希望可以盡快再開騷啦，上次開完演唱會，都想有機會再開。」剛推出了Hi-Fi專輯的她，忙於為新專輯宣傳，也準備了錄新歌，也希望有份演出的新劇《虛擬情人》早啲推出。咁大堆頭，就知佢人緣好。不過佢就話全部都係好朋友only！係幸福嘅。佢大讚樂易玲歌喉點好surprising。又同林正峰一齊切Cake。谭嘉仪
星光熠熠預祝生日 譚嘉儀自爆冇追求者
