阿Sa石恆聰驚傳分手 6年情不敵神秘圈中C小姐藝人蔡卓妍（阿Sa）與富貴男友石恆聰（Anthony）拍拖六年幾，一早已見過雙方家長，並發展半同居關係，惟今日（13日）有消息指二人已分手，更稱導火線係因男方未定性，更與一位圈中C小姐過從甚密，加上二人於婚姻上得唔到共識而分手。阿Sa同石恆聰（右一）驚傳分手，6年情不再。有指Anthony仲未修心養性，疑同圈中一位C小姐玩得特別埋。有指Anthony經常夜蒲，亦不避忌與女性朋友私下約會，但阿Sa就視對方為結婚對象，桃花旺都一一拒絕，除工作以外，其餘時間都陪男朋友。不過有指Anthony仲未修心養性，成日趁阿Sa出trip就唔見人，並疑同圈中一位C小姐玩得特別埋。消息稱阿Sa自覺難搵新對象，本來唔想改變現況，並選擇啞忍，不過最近太多身邊朋友話佢知Anthony同C小姐玩得好埋，既然知道感情冇得開花結果，阿Sa都忍痛分手。分手後，佢最近三個月都放長假及「報復式」旅行，先係5月底陪嫲嫲、爸爸及兩名表姐遊泰國，再同媽咪去瑞士，返港後就同好姊妹去Staycation，及後再同好友去韓國玩。身邊朋友知阿Sa回復單身後，感情受到極大創傷，朋友知佢打擊好大，所以不斷陪佢旅行散心。近月阿Sa不斷去旅行，指係分手後急於散心。近年阿Sa專注內地工作，同男友聚少離多。有傳阿Sa分手後打擊好大。蔡卓妍
阿Sa石恆聰驚傳分手 6年情不敵神秘圈中C小姐
