蔡卓妍分手！JW唔擔心唔婚就分

蔡卓妍分手！JW唔擔心唔婚就分歌手JW（王灝兒）今日（13日）身穿性感連身短裙擔任婚紗展嘉賓，台下除有大班批歌迷舉牌支持外，其任職律師的胞姐亦帶同老公及囝囝捧場。JW表示：「家姐喺附近食飯，佢知道我嚟婚紗展唱歌咪嚟見吓我，不過商騷後我會同另一班朋友食飯，男友冇唔嚟，因為佢唔得閒，亦唔係喺香港。」談及蔡卓妍和男友分手，可擔心自己不婚就分？她覺得姻緣天定，所以毋須太擔心，況且覺得現況最開心：「可以唱到自己鍾意嘅歌，拍到自己鍾意做嘅戲，今朝我又起身做運動，覺得人生好有動力。」又指不便去評論他人的感情事，因不知對方有何經歷，自己亦不會被適婚年齡而局限發展。在活動上，她又透露夢想婚禮，希望不要在天氣熱下舉行：「我好怕出汗，同埋只想請屋企人嚟婚禮，因為我去過啲婚禮，坐喺最後排，係想食完快啲走，既然人哋辛苦，自己又辛苦，所以不如只想請最親嘅人。」JW台上獻唱！好風騷咁喎！家姐都有嚟！阿Sa分手，JW有嘢講！