張智霖自認同古仔鎮宇合作無間：好睇嘅保證！藝人古天樂、張智霖（Chilam）主演的電影《暗殺風暴》定於18日在港上畫。Chilam於片中飾演智商極高但又經常心神彷彿查案的天才探員「羅飛」，與古天樂、吳鎮宇甚多對手戲，雖然三位曾多次合作，但今次因為以推理懸案為故事軸心、以及人性正邪之間的衝突而火花四濺，Chilam說：「我同古仔、鎮宇都有好多合作經驗，合作起嚟好順暢，大家百分百投入，亦都好尊重電影，我覺得出嚟嘅作品會好好。同埋我哋三位嘅合作次數，我相信應該會帶畀大家一種好睇嘅保證。」古天樂在戲內其中一個造型是被爆破導致毀容，需要化特妝效上陣，Chilam對此說：「喺一個製作團隊嘅立場嚟講，古仔嘅爛臉妝我覺得做得幾精緻，咁我自己就覺得做呢個妝幾辛苦嘅，因為化呢個妝時間好長，好多時拍電影都係要等埋位，唔容易去接受嗰種辛苦。」問Chilam會否願意接受這項挑戰時，他表示：「如果有一個好好嘅劇本，自己都願意去嘗試，因為作為演員應該嘗試多啲唔同種類嘅題材。」張智霖對新戲有信心。再同吳鎮宇、古天樂合作，有晒默契。張智霖大讚古天樂毀容妝夠精緻张智霖
張智霖自認同古仔鎮宇合作無間：好睇嘅保證！
