吳卓羲舉行巡迴玩具展　珍藏作品公諸同好

吳卓羲舉行巡迴玩具展　珍藏作品公諸同好藝人吳卓羲（Ron）一直喜歡玩具收藏，2019年更於北京開設中國首家模玩博物館。近日他再有新搞作，將舉行為巡迴玩具展，開放自己超過300件珍藏玩具及模型，與各界figure迷公諸同好，且與中國潮流藝術家歪歪合作推出聯乘創作潮玩，吸引力十足。首站展覽場館內，除會展出歪歪設計的一幅巨型塗鴉牆外，更會推出與Ron共同創作的潮玩公仔「豬皮」，據悉「豬皮」是以Ron收養的寵物貓為靈感。另外，展覽將加插AR導覽技術，令參觀者可切換到虛擬與現實之間參觀展品，認真潮爆。吳卓羲將珍藏figure作巡迴展覽。吳卓羲早前落力宣傳其北京模玩博物館。談到萌起舉行巡迴玩具展，Ron昨受訪表示﹕「認真嚟講，每件作品都唔係玩具，而係藝術品，係獨一無二嘅。有啲Figure好似蝙蝠俠咁，已經唔單只電影人物咁簡單，而係近百年嘅『歷史人物』，好應該攞出嚟俾大家欣賞。其實喺好多國家都有呢類實體店，會邀請中、小學去參加導觀團，我都希望推廣到香港、甚至中國內地。（運送過程咪好難，以及花費巨大？）今次會有大約3、40人負責搬運同裝箱，亦有贊助商幫手。」模玩博物館聘用專人打理，吳卓羲認為物有所值。每件都是藝術品。吴卓羲