李幸倪獻打卡攻略 搭專屬叮叮講緣分英皇歌手李幸倪獲公司揼本打造期間限定的專屬電車，車身除了有其靚樣，還有其愛貓的肖像。她歡迎歌迷任意打卡，並提供乘搭攻略。李幸倪（Gin）加盟英皇後受到力捧，新歌《企好》獲公司豪花近6位數租了一架主題電車，圍繞港島區行駛作宣傳。得知專屬電車開動，她第一時間做乘客打卡，笑言：「梗係開心啦！自己好鍾意搭叮叮，平時如果唔趕時間都會搭叮叮，我諗呢排都會搵多啲藉口去搭！」車身畫上不同動物，繽紛搶眼。李幸倪急不及待上車打卡，興奮忘形。愛貓有份「上車」Gin感激公司及同事為她籌備，更找來本地插畫師在車身畫上不同的動物，她說：「同事知道我好鍾意動物，諗住配合番我首歌名，畫咗好多唔同動物全部都『企好』晒！」電車另一賣點是她的肖像旁有其愛貓「杏仁糊」，令她開心不已：「我之前睇幅圖已經好鍾意，一路等緊架車幾時出嚟，所以出車嗰日第一時間去打卡，覺得真係好靚！」李幸倪相當開心。公司打造一架期間限定的專屬電車。她指這款主題電車全港只此一架，粉絲想乘搭都要睇緣分及運氣，但就提供攻略：「好似係Random路線，會一路咁轉，最穩陣可能係喺總站等，我諗點都會等到啩？呢個係我自己嘅攻略，哈哈！」她已決定找天帶同父母一同乘搭，因為家人都很喜歡搭叮叮。李幸倪才華洋溢。李幸倪
李幸倪獻打卡攻略 搭專屬叮叮講緣分
