古天樂冇計劃生B：我唔能夠自我繁殖！藝人古天樂今日（21日）於沙田出席保育環保活動，向來愛錫小朋友的他與小朋友們玩遊戲打成一片，他提及早前到了法國島嶼參與體驗環保活動，指自己平常拍戲只會接觸到蜜蜂，但若要穿上保護衣也是第一次。他提及自己曾被蜜蜂針的經驗，他說：「嗰陣時係行緊山，咬咗唔好搞佢就得，腫咗就搵冰敷。」他又指自己因血型問題並不怕被蚊咬。在活動當中他指可以拍攝一部以蜜蜂俠為題的電影，他說：「蜜蜂嘅教育意義好好可以教導小朋友，可以做一站卡通片，但真人就另一回事嚟，到時就係打壞人㗎啦。」最近忙於製作《明日戰記前傳》卡通片的他表示進度良好，他指：「並不是太過困難，但始終第一次自己的動畫，用晒全部香港團隊製作，在故事方面要花時間。」他亦透露將會離港到外國拍攝懸疑片，暫不能透露太多。向來喜愛小朋友的他被問到會否生小朋友，他笑言：「我唔能夠自我繁殖，自己心態都唔同咗，自己又要顧及工作上好難有時間湊小朋友。」指自己暫未有生育計劃。古天樂心態改變，冇計劃生B。古天乐
古天樂冇計劃生B：我唔能夠自我繁殖！
