佘詩曼馬來西亞開餐即席露兩手 檔口炒貴刁嗌攰藝人佘詩曼現時正於馬來西亞為劇集《家族榮耀之繼承者》拍攝當中，雖然拍劇一定辛苦，但今次阿佘有多位好姊妹梁靖琪、王敏奕及陳瀅齊齊陪拍，故過程都甚開心。她們更不時出外覓食，榴槤當然是不可不吃，而阿佘都不時帶隊到當地一些街檔吃好西，有一日她忽然技癢大展煮藝，見她於炒粿條的檔口炒貴刁，左手拎住一支蠔油，右手就拿着鑊鏟，四肢纖瘦的她原來都相當有力，眼見都覺得好有「鑊氣」，炒多幾下阿佘終於覺得手攰，向舖頭老闆說：「好攰呀！辛苦你呀！」轉頭就交還鑊鏟給對方，相當搞笑。佘詩曼即場炒貴刁。都咪話唔厲害。佘詩曼本身就係廚神，整嘢好食！一班姊妹同行，食咩都開心。佘诗曼
佘詩曼馬來西亞開餐即席露兩手 檔口炒貴刁嗌攰
