MIRROR的正副隊長楊樂文（Lokman）和江𤒹生（AK）現身電台，接受鄭裕玲（Do姐）訪問。Do姐一向很喜歡姜濤，曾多次邀請他上節目做嘉賓，亦非常關心對方日前出席活動時暈倒一事。
—
Lokman透露公司安排了姜濤放假，讓他可以休息。AK亦大派定心丸，表示姜濤無事：「探望就未有，但大家即刻做嘢，各自傳信息畀佢，佢休息完夜少少都有覆我哋，所以OK冇問題。」
AK指自己也曾試過因為工作太忙，休息不足，表演完後腳軟：「我試過一次，嗰時所有嘢要12個人一齊做，嗰時瞓覺係奢侈品。當時出第一首歌《一秒間》，同步拍MV，仲有海量訪問，跟住就準備第2首歌《ASAP》，根本冇時間休息。（依家唔係咩？）嗰時未慣，有一次西九outdoor騷，唱完一隻medley，我落台嗰陣好似阿姜（姜濤）咁，隻腳軟一軟，跟住要佢哋扶一扶，嗰次換唔到氣，有啲辛苦，唞唔到氣，但冇暈低。」
—
—
—
—
