陳凱琳大啖歎上海美食 吃貨形象竟被質疑「造假」前港姐冠軍陳凱琳（Grace）出咗名係骨感美人，生完三個BB都咁瘦嘅佢，早前到上海工作，順道趁機品嘗地道美食，又拍片放上網分享吸人氣：「來上海就為了這一口！」片中佢大啖歎生煎包，前後試勻傳統豬肉餡及蟹粉餡，佢七情上面食包一臉享受又滿足，一大啖食完之後，隨即再連食多三啖，再讚不絕口，網友視角享受有齊晒。依個係陳凱琳生完三個小朋友嘅身形。平時佢都成日拍食嘢片。個樣幾enjoy！網友見佢擺到成枱嘢食，就紛紛留言羨慕佢食極唔肥，不過竟有網友表示質疑，指陳凱琳好有機會全晚都只係食佢鏡頭拍下嗰幾啖包，之後就可能唔再食嘢，揣測佢未必係片中塑造嘅吃貨形象，加上佢平時都有拍運動片，身材都係要努力Keep出嚟。不過有網友質疑佢鏡頭後未有食嘢啲食物。有人話佢唔係食極唔肥。女神一樣要Keep。陈凯琳
陳凱琳大啖歎上海美食 吃貨形象竟被質疑「造假」
