吳業坤出席《香港金曲頒獎典禮 2021/2022》記者會，與姚焯菲（Chantel）一同受訪。坤哥之前曾揚言要做對方的歌迷會會長，現在又改口稱做普通歌迷就夠：「我真係欣賞佢嘅音樂，唔想大家誤會我係怪叔叔。」他又指自己之前在後台見到姚爸爸時也有傾偈，但絕非想行「外父政策」，而是要澄清自己並非怪叔叔，讓姚爸爸安心。
講到港台和無綫合辦頒獎禮，坤哥開心表示很久沒見過那麼多不同的人和不同的咪牌，希望將來可以在更多不同的平台唱歌。其後他也在社交平台上載手持香港開電視、「藍Viu」及「黃Viu」咪牌受訪的相片，留言笑稱自己不會因此「入雪櫃」：「每個人做小小去改變一下現況，做歌手都係想多啲機會唱歌啫，喺邊度都可以唱到歌就最好了。#唔會入雪櫃嘅。」
—
