近日發現有源頭不明個案出現香港社區，為配合政府防疫及隔離措施，不少大型活動都要延期或取消。今日江海迦（AGA）出席《香港金曲頒獎典禮 2021/2022》記者會，問到原定1月底舉行首個個人紅館演唱會，可擔心會取消？她坦言：「我努力祈禱中，好想可以順利舉行。公司會準備應變措施，我盡力做好本份，今次係第3次改期，絕對唔希望再有第4次，我會積極面對。」
AGA近月努力為即將舉行的演唱會好綵排。
她又表示父母亦特別從澳洲回港捧場，剛完成21天隔離：「大家都好期待，希望只係好事多磨。」另外，環球唱片晚上宣布AGA演唱會安排，將於1月20日政府公布新一輪措施後再作通告。
AGA在又在接受媒體訪問期間忍不住落淚：「呢樣嘢自己都會有啲擔心，……因為團隊一路都好努力，自己好想做到呢個騷，過去一年嘅努力，團隊都係……不過都要保持正面，同埋依家仲未有定案，無論今次開到定係之後再開，都會覺得好特別。」
