《聲夢傳奇》學員冼靖峰（Archie）日前在網上音樂會與林智樂、詹天文及蔡愷穎談到年齡問題，聽到林智樂與蔡愷穎同是2003年出生時，他說︰「03即係咩？即係SARS死剩種？係咪呀？」雖然他即時表示：「講笑講笑。」言論仍被網民鬧爆！
冼靖峰之後就失言道歉：「我想講聲對唔住，我上一個Live Show度講咗啲唔應該講嘅說話，因為有時我哋學員之間，私底下講嘢係會有啲Over……好對唔住，我真係講咗啲唔應該講嘅說話，知道自己唔夠成熟，以後會更加成熟，談吐舉止都係。」
不過網民未接受，更揚言要抵制與其合作的品牌，其中去年8月他聯同一眾聲夢學員出席電訊公司活動，被認定是為公司代言。星期五該公司於官方facebook發表聲明，澄清冼靖峰並非其公司代言人，「他只是連同其他藝人出席過一次本公司的活動，其言論與本公司絕無關係。」表明保留追究影響商譽損失的權利。
