《聲夢傳奇》學員冼靖峰（Archie）日前於網上音樂會說︰「03即係咩？即係SARS死剩種？係咪呀？」雖然他即時表示：「講笑講笑。」言論仍被網民鬧爆！
其中冼靖峰之後已為失言道歉：「我想講聲對唔住，我上一個Live Show度講咗啲唔應該講嘅說話，因為有時我哋學員之間，私底下講嘢係會有啲Over……好對唔住，我真係講咗啲唔應該講嘅說話，知道自己唔夠成熟，以後會更加成熟，談吐舉止都係。」
星期六他再貼出公開信，先後7次道歉：「本人冼靖峰就網上直播上不當的言論向公眾及支持我的朋友作出道歉，尤其是本人言論對痛苦經歷過SARS 的市民大眾和受害者造成莫大困擾，本人在此再度致歉…..」
「連日來我不斷對自己的行為和態度作出深切的反省，深知自己的錯失；也收到父母及公司嚴厲訓斥，知道自己不應該以不當的言詞來開玩笑，為大眾帶來傷害…..最後，我再一次為自己的過失向大眾鄭重道歉，亦為影響到公司及其他學員致歉！」
