林欣彤（Mag）於社交平台自爆疑是確診新冠肺炎後，意外爆出新戀情，有指樂隊ONE PROMISE成員Anton，背住拍拖7年圈外女友Christy與Mag拍拖。不過Anton指分手後才與Mag發展；惟前女友Christy卻說：「劈腿是慣性，說謊更是隨性！」並Hashtag「偽人」，似是反擊二人！
Christy之後再出招，於愛犬Captain的IG寫下長文，以愛犬的第一身方式，說出自己的感受：「媽媽會不定期upload我最新嘅相或片畀大家睇，絕對係最新最真實嘅我，唔係舊相嚟㗎！因為媽媽唔會用舊相扮新相，更加唔會拎人哋影嘅相扮自己影。」
她又指，愛犬IG密碼被惡意刪改，密碼只有兩個人知道：「噚晚想登入我嘅社交平台嘅時候，突然間發現被人惡意破壞同刪改密碼，搞到入唔到去，仲有post 被人delete咗！好彩最尾都救得返，一路以嚟，其實密碼都只係得兩個人知，作惡者呼之欲出。我都唔明白點解曾經愛我嘅人一離開就可以突然變咗另一個人咁，原來反轉狗肚就係屎。世途真險惡，但係我相信呢個世界仲有善良，做衰嘢嘅人自然有惡報。」
她又表示，有「偽人」羨慕別人的戀情，羨慕到要出手「爭取」幸福：「曾經媽媽為咗一個人放低原本嘅生活，全心全意去幫人打理人哋嘅生活同工作大小事情，而家媽媽諗番都唔開心，因為覺得自己好蠢。不過而家媽媽自由啦，以後全心全意只係愛我Captain一個。曾經亦有某位好鍾意『怎麼可以吃兔兔』嘅偽人話過好羨慕人哋同媽媽可以相愛咁多年，可能就係因為太羨慕，羨慕到要出手『爭取』幸福。不過媽媽而家唔要啦，送咗畀你，因為媽媽唔識『怎麼可以吃兔兔』，自愛女人最好命！」
最後更提到：「我呢隻『開心單親狗』絕對『單親不孤單』！」
