電影《梅艷芳》上映，卻被梅艷芳胞兄梅啟明入稟高院，聲稱自己擁有「梅艷芳」商標，控電影公司侵權。梅媽覃美金接受訪問時表示要與兒子劃清界線，月中更登報要脫離關係：「本人梅覃美金與兒子梅啟明脫離母子關係，此後梅啟明在外一切華洋轇轕均與本人無關。」
不過星期日梅啟明於北角接受傳媒訪問，他聲稱有人冒充梅媽登報，梅媽「脫離母子關係」只是氣話，對登報一事毫不知情，更稱收到梅媽電話：「我早約幾日問清媽媽話冤枉，無咁嘅事，跟住早兩日佢要打疫苗，佢自已一早十點半就打畀我，話依家好驚，驚打疫苗。我就順便問佢點解會搞母子脫離呢件事。」
梅啟明稱，梅媽不知情，更指已經查到是媽媽私人助理兼護士鄭姑娘登報。「我就追問佢話如果你再唔講，我就去報警。佢話你屋企有幾多人，你自己知啦，邊個邊個，我都心中有數。」
TVB官方微博：#娛樂新聞台# 梅啟明與媽媽關係有新進展
#梅艷芳#媽媽同大兒子梅啟明糾紛繼續，日前梅啟明去醫院探唔到媽媽之後，呢日佢表示事件有新進展，話梅媽媽聲言脫離母子關係純屬一時氣話，搞到登報咁大件事全因係侄兒(已故弟弟梅德明的兒子)教唆，仲話登報事件唔係梅媽媽主意。
#TVB# — TVB官方微博
結果揭發是梅啟明弟弟的兒子、40多歲的侄仔梅柏麟搞小動作「操縱梅媽」，他已為此報警，獲警方受理。梅啟明同時發聲明，稱2月1日農曆年前曾多次到醫院探望梅媽，惟之後與家人被阻止入醫院探望母親，認為有人從中作梗。
不過晚上梅啟明召開記者會後，其老婆Joey大義滅親，向傳媒提供三段錄音，撕開貪錢真面目！如25日他致電在醫院中的梅媽，梅媽於電話中要求梅啟明「唔好騷擾我」，但梅啟明關心的卻是錢：「而家冇錢呀，平靜，你要畀啲錢我先得㗎！」梅啟明又因為沒有錢，反問老婆借錢及拿去兒子零用，合共7000元。
另外錄音老婆Joey就指，原來梅媽「斷水喫」是因為梅啟明疑似出軌：「你阿媽同我講，唔畀你因為你玩緊女人呀，你益個泰妹買名牌……你醜唔醜？工人都笑呀！」
