ViuTV劇集《季前賽》日前煞科，呂爵安（Edan）即急不及待貼出自己的睡覺美照，以及公開同劇拍檔的睡覺「黑圖」，「受害者」包括組合ERROR的梁業（肥仔）和郭嘉駿（193）、MIRROR的邱士縉（Stanley），連前輩張繼聰也不放過。Edan留言講明：「#唔好諗住反擊#我仲未出絕招#我大把貨#冤冤相報何時了」
這天張繼聰無視Edan警告作出反擊，不過竟然是貼出對方的靚仔相，實在出人意表，張繼聰自言此舉是「以德報怨」的成熟表現：「幼雀，你睇阿叔幾錫住你吖？😏 影到你瞓著都咁靚仔😌算係咁啦。以德報怨吖，咪叫成熟囉😏 不過你班兄弟就唔知會唔會啦🍃 Stanley , 我係你就唔忍佢啦😌 你果啲核彈級😈😈😈⋯⋯ 另外，姜，你做掌上壓嘅片，我係唔會公開嘅，放心」
