張敬軒《THE NEXT20》演唱會，早前已經傳出姜濤會任嘉賓，更有黃牛藉機炒高門票價格，事後張敬軒和姜濤都親自在IG的限時動態否認傳聞。
—
—
原來周六（21日）姜濤才任嘉賓，連姜媽亦有入場。至於姜濤未上台前，就與ERROR成員梁業（肥仔）坐在觀眾席欣賞演唱會。
軒公介紹姜濤出場前說：「佢令我最感動的，佢會將拍好的MV、或者錄好的歌send畀我，跟住問有邊度唱得唔好，好似一路都冇停止過令自己進步咁樣……好開心佢成為一個獨當一面的歌手，佢哋必須要於各種讚美聲、批評聲當中勇往直前，我相信佢一定會將呢啲化成力量，令自己成為更成功的歌手，今晚我會開心請到佢。」
—
