唐詩詠終極醒覺　戒Check另一半手機

視后唐詩詠日前在網上節目大談情史，自言有超強第6感，很快識穿男友出軌並搵到證據。她又自爆曾被舊愛Check手機對話內容，認為對方根本不相信她，可謂最失敗的愛情經歷！

陳山聰自誇資質好
回復單身一段時間的她寄情工作，昨日偕陳山聰為無綫回歸劇《我的驕傲》開工，飾演夫婦的他們抱住一對小朋友，拍攝在馬路邊觀賞傳聖火的場面，山聰透露是模仿「歌神」張學友2008年代表香港傳聖火一幕：「呢25年來香港經歷好多嘢，劇入面會有啲畫面穿插。（有冇特別場口？）我演主旗手，詩詠係獸醫，我哋有兩個仔女，成年版由朱敏瀚同劉穎鏇演。（演主旗手好難？）有專人指導咗5日，我資質好，正常要訓練兩年，因為所有動作都有規格，升旗唔可以超過19手到頂。」