去年7月網民在社交平台成立「我老婆嫁左比Mirror導致婚姻破裂關注組」，至今有逾35萬成員，上周四（2日）關注組突然宣布，演唱會後永久關閉，主要因為對Mirror演唱會安排感到極度不滿，更斥主辦單位當「鏡粉」水魚、ATM（提款機）等。
—
—
關注組版主RC星期日（5日）再發文，表示宣布關閉專頁後當晚，深夜接到ViuTV高層金生（金廣誠）電話，已向對方講出心聲：「我赤條條咁同佢表達左我嘅心聲，我好appreciate佢咁快去正視同埋主動聆聽問題，如果比著係其他台，可能佢又報警話比網民欺凌喇，至於後續係點就留待大家自己觀察。」
他又表示，自己經營關注組目的不是「攞著數」：「我老婆有朋友幫佢撳到實名嘅門飛，我無亦都唔需要透過呢個形式去R飛。Btw我收到msg出六位數要買個group，sorry出手太低喇，出5億我就賣啦，我送埋我個個人ac比你都仲得（有留言話好多人話金生要買我個group，我嚴正聲明，唔係呀）」
對於被質疑為何不立即關閉專頁，RC解釋︰「第一，呢個演唱會係大家嘅焦點，可能仲有嘢想講，咁就講埋先囉。其次，呢度有好多我哋嘅回憶，希望餘下個零月時間可以畀大家懷緬一下。第三，我未夠心理準備去撳呢個掣。」他強調無意去放大事件或分化鏡粉，從頭至今也希望大家開心。
RC最後向MIRROR致歉︰「如果我有幸造成你哋困擾，我心感抱歉，請你哋好好準備演唱會，唔好令入場嘅觀眾失望，唔好浪費我老婆嘅心機，你張飛真係好難搶㗎。」
—
