陳家樂與連詩雅（Shiga）2019年共赴韓國拍旅遊節目撻著，地下情玩足2年，早已是圈中公開的「秘密」!近日二人終於傳來好消息，有指陳家樂求婚成功，將與Shiga拉埋天窗！有傳日前陳家樂約了一班朋友和Shiga出海釣墨魚，雖然天氣不似預期一直下雨，但礙於陳家樂早就訂好行程，Shiga不想浪費男友一番心機，惟有照行程出發。不過原來好戲在後頭，當Shiga去完洗手間返上船艙一刻，陳家樂手拿戒指求婚，加上毛毛細雨底下，場面非常浪漫，終Shiga亦被其誠意打動，答應求婚。
對此，家樂透過所屬經理人公司英皇回覆表示：「多謝大家關心 我哋訂婚啦 收到好多朋友既祝福 好感恩 但係結婚日子未有確實嘅計劃，因為我哋大家手頭上仍然有好多工作要專注完成先，結婚嘅計劃同籌備都需要好多精神同時間，所以暫時先放下，遲啲有好消息一定同大家分享」。
