「一蚊Joe」游莨維擔任無綫（TVB）資訊節目《東張西望》外景主持15年時間，周五他到環蘇豪區採訪雲咸街槍擊案時，便疑似與在場記者發生不愉快事件：「MJ我雖然唔係 #港聞記者，但係2010年我採訪 #馬尼拉人質事件 嘅時候，你畢業未呀，港聞記者？」明顯對現場記者感到不滿。
「一蚊Joe」之後刪除帖文，其後再發文，指事緣做「咪兜圍訪」，要鬥快擺咪，爭取中間位置，擺咪時被一位後生「工作人員」不斷單打，話「東張西望都嚟採訪，阻住晒～」，又指自己受過的冷眼和冷言冷語已經不計其數，「結果今次谷住啖氣，出咗個post，真不該～」
他指自己不該勞氣、不該引用馬尼拉人質事件，以及不該稱呼該「工作人員」為港聞記者，但重申自己會認真，「尊重自己的專業」，「因為易地而處，如果我去做採訪，係翹埋雙手等收工，咁就真係阻住晒。」最後他稱自己會吸取教訓，續做好採訪工作。
